قصاد عيني
عدد الرسائل : 18
العمر : 33
السٌّمعَة : 0
تاريخ التسجيل : 15/01/2009
 | موضوع: من قصائد عبد الرحمن الابنودى**القدس**  الأحد يناير 18, 2009 1:55 pm | |
| كان شايل ألوانه كان رايح مدرسته
وبيحلم بحصانه وبلعبه وطيارته
ولما انطلق الغدر وموت حتى براءته
سال الدم الطاهر على كراسته
كلنا بنقول أرضنا
أرضنا.. دمنا.. أمنا
وان مات ملايين مننا
القدس ح ترجع لنا
أب ومد بخوفه إيديه
يحمي بعمره ضناه
ولما ارتعش الجسد الطفل
وبقى في إيدين الله
بكت العذرا الأم وصرخت
قالت يا ولداه
عاش الظلم المر الغادر
سقط العدل وناح
كلنا بنقول أرضنا
أرضنا.. دمنا.. أمنا
وان مات ملايين مننا
القدس ح ترجع لنا
كان طفل فلسطيني ده بيته
وده كل اللي جناه
ده تاريخه وتاريخ أجداده
ودي أرضه وسماه
هنا جرجس ومحمد أصحابه
والدين لله
جيه ظالم وسرق أحلامهم
كل أملهم راح
كلنا بنقول أرضنا
أرضنا.. دمنا.. أمنا
وان مات ملايين مننا
القدس ح ترجع لنا
سلم بسلم وحرب بحرب
شرع الله والدين
وازاي نار تحرق في القلب
ونفضل كده ساكتين
يا عرب لمّوا الصفّ كفاية
واقروا صلاح الدين
عمره ما فرّط مرّة في حقّه
وده كان اقوى سلاح
كلنا بنقول أرضنا
أرضنا.. دمنا.. أمنا
وان مات ملايين مننا
القدس ح ترجع لنا
صبرا شاتيلا وشهدا الأقصى
ألف حصار وحصار
وعيال كبرت قبل أوانها
حلفت تاخد بالتّار
غضب القلب المرّ الدامي
بيتحول أحجار
والعصافير بتحارب جيش
بس ما لها سلاح
كلنا بنقول أرضنا
أرضنا.. دمنا.. أمنا
وان مات ملايين مننا
القدس ح ترجع لنا
لو جيه ظالم مرة وطردك
من بيتك ورماك
وبيزرع على أرضك حقد
ومن دمك أشواك
مش نار ظلمه وجرحك
لازم تتحول لهلاك
وتعلم أولاد أولادك
إن الثورة كفاح
كلنا بنقول أرضنا
أرضنا.. دمنا.. أمنا
وان مات ملايين مننا
القدس ح ترجع لنا
لما نمد إيدينا لغيرنا
ويبقى الرد نيران
لازم يبقى سلاحنا في إيدنا
عشان العدل يبان
كل العالم يسمع صوتنا
الطالع من الأحزان
مين يستشهد يطلع غيره
والموت للسفاح
كلنا بنقول أرضنا
أرضنا.. دمنا.. أمنا
وان مات ملايين مننا
القدس ح ترجع لنا
الأرض عشان نزرع فيها
يا محمد ونموت
بكرا الحق ح يرجع ليها
ملعون أي سكوت
صوتك وانت في موتك عالي
ح يحول جلادك بكرا
وأعداءك أشباح
كلنا بنقول أرضنا
أرضنا.. دمنا.. أمنا
وان مات ملايين مننا
القدس ح ترجع لنا
القدس ح ترجع لنا | |
|
